Насри: "Агуэро Месси ва Суареснинг даражасидан ўтиб кетди, фақат Роналду ундай яхшироқ холос"
"Манчестер Сити" яримҳимоячиси Самир Насри ҳозирда унинг жамоадоши Серхио Агуэро фақатгина Криштиану Роналдудан ортда қолаётганини, аммо Леонел Месси ва Луис Суарес даражасидан ўтиб кетганини таъкидламоқда. Эслатиб ўтамиз, Агуэронинг хет-трики билан кеча "шаҳарликлар" Мюнхеннинг "Бавария" клуби устидан иродали ғалабага эришдилар.
"Унинг кўрсатаётган ўйинлари учун бирор нарса дейиш шартмикин, статистиканинг ўзи айтиб турибди. Бугунга келиб Агуэро буюк ўйинчига айланиб улгурган, уни тўхтатиб бўлмайди. Ҳозирда у жаҳоннинг энг яхши футболчиларидан биридир, фақатгина бошқа сайёрадан келган Криштиану Роналду ундан яхшироқ холос. Агуэро Месси ва Суаресларни ортда қолдирди", - деган Агуэронинг сўзларидан иқтибос келтириб ўтди ФИФА расмий сайти.
Аргентиналик футболчининг статистикасига тўхталадиган бўлсак, Агуэро мавсумдаги барча турнирлар доирасидаги 18 ўйинда 17 марта рақиблар дарвозасини ишғол этган.
Манба: www.championat.com
Киритилди: 00:34, 27.11.2014. Ўқилди: 3705 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар