Испания футболида «Реал»нинг устунларидан бири бўлган жамоанинг 28 ёшли экс-сардори Серхио Рамосни клуб ўз сафида олиб қола олмаслиги ҳақида миш-мишлар пайдо бўлди.
Клуб томонидан тарқатилаётган хабарлар ҳам бу ҳолатни тасдиқлаётгани ажабланарли ҳол.
Бундан саккиз ой олдин мадридликлар сафида ўнинчи мавсумни ўтказаётган марказий ҳимоячи ОАВ ва мухлислар томонидан чемпионлар Лигаси совринини ўнинчи бор қўлга киритишда асосий қаҳрамонлардан бири сифатида тилга олинаётган эди. Турнир давомида на 17 гол киритган Криштиану Роналду, на тўхтатиб бўлмайдиган голларни ушлаб қоладиган Касильяс, на футбол майдони спринтери Бейл эмас, балки ҳимоячи Рамос “Атлетико”га қарши финал ўйининг қўшиб берилган вақтида “Реал”га ғалаба нашидасини тақдим этгани ёдингизда бўлса керак.
Бир ой олдин Рамосга клублар ўртасида жаҳон чемпионатининг энг яхши ўйинчиси соврини ҳам берилганди. Тўғрисини айтиш лозим, ўша турнирда Криштиану заҳира ўриндиғида эмас, балки майдонда тўп сурди. Лекин, кўриниб турган ўйин сифати бўйича совринни Рамос қўлга киритгани барчани қониқтиргани ҳам бор гап.
Серхио сардорлик боғичини тақишга кўникиб қолган. Агар, Касильяс ўйинга тушмаса жамоани ўз-ўзидан севильялик бошқаради. Бироқ, бир ҳафта олдин ўтказилган “Атлетико”га қарши учрашув Рамосга оғир келди. Балки, ўша куни омад келмагандир ёки чарчоқ ўз сўзини айтгандир (22та ўйинда ғалаба қозониш осон ишми? Ахир, “Реал” юлдузлари ҳам темирдан эмас). Уларнинг барчаси функционал вазифасини бажара олмадилар, аммо жамоанинг Испания Кубогидан чиқиб кетишига Рамос айбдор бўлиб қолди.
Сабаби, у қутқариб қола олмади ва фақат бир бора гол киритди, холос (умуман олганда бир сабабни олиб ташлаш лозим, гол киритиш Серхио учун хобби, унинг иши ҳимоя).
Бу ҳолатдан ранжиган клуб президентининг аччиқ гаплари спорт нашрлари биринчи саҳифаларини эгаллади. Аслида, Флорентино Перес асосий айбдорларни қўли билан кўрсатгани ҳам йўқ, лекин, “Реал”да уни сўзсиз тушунадилар. Унинг нутқ оҳанги, юзидаги мимикасига қараб, клуб бошлиғининг кимдан норози эканлигини бехато билса бўлади. Айниқса, режалаштирилган ҳужжатларни тўхтаб қолишида бу яққол акс этади.
Рамос — маош олиш миқдори бўйича жамоада тўртинчи ўринда. Ундан олдинда — Роналду (йилига 17 миллион евро), Бейл (11 млн), Касильяс (6 млн). Испан телеканали бўлган Deportes Cuatroда берилган маълумотларга кўра, Серхио иккита янги футболчи Хамес Родригес ва Тони Кросс билан бир хил — 5 миллион евро олади. Майдондаги самара ва ишқибозлар орасидаги обрў бўйича охиридаги икки футболчи унга тенг кела олмаслиги аниқ. Касильяс ҳақида эса гап бўлиши мумкин эмас.
Рамос ўзи намойиш этаётган футбол ва тажриба билан маошини кўпайтиришларига умид қилса бўлади. Ҳеч ким унга бу борада эътироз билдирмагани ҳам, бор гап. Ҳатто, бундан бир ой олдин Перес ҳам шу фикрни билдирган эди.
Лекин, тарқатилган хабарларга кўра Перес ҳимоячига Серхоснинг диди бўйича жуда кам миқдордаги қўшимча маош ва шартномани узайтиришни таклиф қилган. Агар гап, бошқа ўйинчи ҳақида кетганида шов-шув бўлмас эди.
Серхио – ўз маошига йилига икки миллион қўшилишини жуда оз деб билиб, клубдан норози бўлмоқда. Уни Ильярраменди учун тўланган ўттиз миллионни ҳавога учгани, Бэйлга сарфланган юз миллиони ўзини оқламагани қизиқтирмаяпти.
Умуман олганда, Рамосни ҳоҳлаганча айблашимиз мумкин, бироқ уни ишқибозлар яхши кўради ва унга бўлган талаб ҳам етарли даражада. Воқеалар қандай ривож топишини эса, вақт кўрсатади.
Элмурод ЭРМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
